ABŞ-ın Nyu-York ştatında bir neçə gündür təsirli olan yağışların intensivliyi artdığı üçün daha geniş tədbirlər üçün fövqəladə vəziyyət elan edilib.
Gununsesi.info xəbər verir ki, Nyu-York qubernatoru Kathy Hochul intensivliyini artıran və bəzi xətlərdə metro nəqliyyatının qarşısını alan yağış suları ilə mübarizə üçün keçən həftə ümumiyyətlə yağışlı olan Nyu-Yorkda fövqəladə vəziyyət elan edildiyini açıqlayıb.
Bruklin bölgəsindəki daşqınlar səbəbindən 4 metro xəttində xidmətlər kəsilərkən, Nyu-York Böyükşəhər Nəqliyyat İdarəsi (MTA) “metro xidmətinin son dərəcə məhdud olduğunu və bəzi stansiyalarda xidmətlərin dayandırıla biləcəyini” açıqlayıb.
“Səyahət etməlisinizsə, ictimai nəqliyyatdan istifadə edin. Su basmış yollardan çəkinin. Əgər zirzəmidə yaşayırsınızsa, daha yüksək yerə köçməyə hazır olun”, – Nyu-York şəhərinin fövqəladə hallar üzrə komissarı Zak İskol açıqlamasında bildirib. O, xəbərdarlıq edib: Hava proqnozuna görə, yağış şənbə gününə qədər davam edəcək. Bəzi yerlərdə 20 santimetrə çatacağı gözlənilən şiddətli yağış səbəbindən Nyu-York şəhərinin bəzi bölgələri üçün daşqın xəbərdarlığı edilib.
Pis hava şəraiti səbəbiylə hava nəqliyyatının mənfi təsirləndiyi Nyu-Yorkda “LaGuardia” Hava Limanının bir terminalına (Terminal A) bütün girişlərin bağlandığı, əyalətdəki 3 hava limanında isə fasilələrin yaşandığı bildirilib. Həmçinin bildirilib ki, əvvəlki yağışlar səbəbindən torpağın su ilə dolması sel ehtimalını artırıb.
Digər tərəfdən, Nyu-York xaricində, ötən həftənin 4 günü güclü yağış yağan Nyu-Cersi və Konnektikut əyalətlərinin əksər ərazilərində sakinlərə daşqınlara qarşı xəbərdarlıq edilib. Nyu-Cersi ştatının qubernatoru Fil Mörfi sakinlərə xəbərdarlıq edib ki, ehtiyatlı olsunlar və heç vaxt maşın sürməyin və su basmış yollarda gəzməsinlər.
Qeyd olunub ki, xüsusilə ştatın mərkəzi və cənub rayonlarında, hündürlüyü su səviyyəsinə yaxın olan ərazilərdə sahil daşqınları baş verə bilər.
Səid Əhmədli
Gununsesi.info
