Ağ Ev ABŞ prezidenti Barak Obama ilə Türkiyə prezident Rəcəb Tayyib Ərdoğanın Çində keçiriləcək G20 sammitində görüşəcəkləri vaxtı açıqlayıb.
Gununsesi.info Anadolu Agentliyinə istinadən xəbər verir ki, Ağ Evin ənənəvi gündəlik mətbuat konfransında ABŞ prezidenti Obamanın G20-də iştirak edəcəyilə bağlı məlumat verən Ağ Evin Milli Təhlükəsizlik üzrə məsləhətçisinin köməkçisi Ben Zoedes hər iki liderin G20 sammitində iştirak etmək üçün gedəcəkləri Çində bu ilin sentyabrın 4-də bir araya gələcəyini söyləyib.
B.Zodes Obama ilə Ərdoğan arasındakı görüşdə 15 iyul dövlət çevrilişinə cəhddən sonrakı vəziyyət, İŞİD ilə mübarizə, qaçqın böhranı ilə bağlı Suriya mövzusunun müzakirə obyekti olacağını bildirib.İŞİD-ə qarşı mübarizə mövzusunun geniş müzakirə obyekti olacağını deyən Zodes, bunun iki ölkənin ortaq mübarizəsi olduğunu da vurğulayıb.
Zodes Cerablusda təşkil edilən hərəkat haqqında ABŞ-ın Türkiyənin yanında yer alıb almadığıyla bağlı verilən sualı cavablandırarkən hazırda spesifik olaraq bu anda Cerablus mövzusunda da çalışdıqlarını qeyd edib: “ABŞ Türkiyənin Cerablusu İŞİD-dən təmizlənməsi istiqamətində göstərdiyi səylərinə dəstək verilib. Eyni zamanda Türkiyənin öz sərhədlərini təhlükəsizlik altına almasını da dəstəkləyirik. Dəstəkləmədiyimiz səylər isə cənuba doğru hərəkət edilməsi və dəstək verdiyimiz müxaliflərdən olan Suriya Demokratik Qüvvələrinə qarşı vuruşmasıdır. Türkiyəyə mesajımız bu baxxımdan açıq oldu. Cerablusun İŞİD militanlarından təmizlənməsi məqsədini dəstəklədik. Bu da bir müddətdir Türkiyə ilə apardığımız danışıqların mövzusudur. Suriya Demokratik Qüvvələrinə qarşı təşkil ediləcək daha çox hərəkət İŞİD-ə qarşı eyni mövqedən mübarizə aparmaq səylərimizi gücləndirəcəkdir “.
Zodes Suriya Demokratik Qüvvələri (SDQ) ilə də ünsiyyətdə olduqlarını ifadə edərək, SDQ-nin də Türkiyə ilə qarşı-qarşıya gəlməsini istəmədiklərini söyləyib. B.Zodes “Türkiyə qüvvələrinə qarşı hərbi fəaliyyət göstərilməməlidir. Bundan başqa, Fırat Çayının şərqinə çəkilmə öhdəlikləri var”-, deyərək kolisiya üzvlərinin bir-biriylə qarşıdurmasını istəmədiklərini də dilə gətirib.
Ümumumiyyətlə, Türkiyə ilə əlaqələrə də toxunan Zodes 15 iyul dövlət çevrilişinə cəhdddən sonra Türkiyə ilə həmrəylik nümayiş etdirdiklərini dilə gətirdiklərini, həyatını itirənlər üçün başsağlığı verdiklərini də söyləyib.
Obama və köməkçisi Joe Bidenin tez-tez Türkiyə prezidenti Ərdoğanla danışdıqlarını vurğulayan Zodes, Çindəki görüşdə həm bütün bu mövzuların müzakirə ediləcəyini, həm də regional olaraq əlaqələrin müzakirə ediləcəyininı gözlənildiyini bildirib.
Gülnaz Qənbərli
Gununsesi.info
