Azərbaycanda oğurluqda şübhəli bilinən şəxslər tutulub.
Daxili İşlər Nazirliyinin mətbuat xidmətindən Gununsesi.info-ya verilən məlumata görə, Nizami (Gəncə) Rayon Polis İdarəsi əməkdaşlarının keçirdikləri əməliyyat tədbirləri nəticəsində martın 22-də Gəncə şəhəri ərazisindəki evlərdən birindən 80 manat pul və 5.000 manat dəyərində qızıl əşyalar oğurlamaqda şübhəli bilinən şəhər sakini Orxan Bayramov tutulub.
Bundan başq a İsmayıllı Rayon Polis Şöbəsi əməkdaşlarının keçirdikləri əməliyyat tədbirləri nəticəsində ötən il oktyabrın 28-də rayon ərazisindəki evlərdən birinin həyətyanı sahəsindən 1 baş inək oğurlamaqda şübhəli bilinən rayon sakinləri Xəyal Ziriyev və Mail Fərzəliyev tutulublar. Ətraflarında aparılan əməliyyat tədbirləri ilə onların cari ilin yanvar-fevral aylarında rayon ərazisində daha 2 evin həyətyanı sahəsindən 2 baş inək oğurlamaları da müəyyən edilib.
Anar
Gununsesi.info
