Azərbaycanda oğurluqda şübhəli bilinən şəxslər tutulublar.
Gununsesi.info-ya Daxili İşlər Nazirliyinin (DİN) mətbuat xidmətindən verilən məlumata görə, narkotik vasitə ilə tutulan Ceyhun Məmmədovun ətrafında Nərimanov Rayon Polis İdarəsinin 17-ci polis bölməsi əməkdaşları tərəfindən aparılan əməliyyat tədbirləri ilə onun iyulun 1-dən 15-dək olan müddətdə rayon ərazisində 7 həyətyanı sahədən velosiped oğurlaması da müəyyən edilib.
Bundan başqa Nərimanov Rayon Polis İdarəsinin 18-ci polis bölməsi əməkdaşlarının keçirdikləri əməliyyat-axtarış tədbirləri nəticəsində iyulun 23-də rayon ərazisindəki kafelərdən birindən 342 manat və gümüş boyunbağı oğurlamaqda şübhəli bilinən Cəlilabad rayon sakini Məhəmməd Babayev saxlanılıb.
Eyni zamanda Nəsimi Rayon Polis İdarəsinin 20-ci polis bölməsi əməkdaşlarının keçirdikləri əməliyyat-axtarış tədbirləri nəticəsində iyulun 25-də rayon ərazisindəki mağzalardan birindən 1500 manat və tütün məmulatı oğurlamaqda şübhəli bilinən Ağsu rayon sakini olan bir yeniyetmə tutulub.
Anar
Gununsesi.info
