Qazaxıstan Müdafiə Nazirliyi “ANKA-S”-in qazax əsgərləri tərəfindən sınaqdan keçirilməsi prosesinin görüntüsünü paylaşıb.
Gununsesi.info bildirir ki, nazirlikdən verilən məlumata görə, qəbul sınaq mərhələlərindən uğurla keçən Türkiyənin “ANKA-S” pilotsuz uçuş aparatının hərbi sınaqlarına başlanılıb.
PUA Döyüş İstifadəsi Təlim Mərkəzinin rəhbəri Şokan Musabekov “ANKA-S”-in uçuşlarının ilk dəfə olaraq Qazaxıstan hərbçilərinin nəzarəti altında həyata keçirildiyini bildirib.
Musabekov qeyd edib ki, hərbi sınaq uğurla başa çatarsa, “ANKA-S” Qazaxıstan Hava Hücumundan Müdafiə Qüvvələrinin donanmasına daxil ediləcək.
Qanadları 18 metrə qədər çatan “ANKA-S”-in uçuş sürətinin 120 ilə 270 kilometr arasında dəyişdiyini bildirən Musabekov nəqliyyat vasitəsinin səmada 27 saata qədər fasiləsiz işləyə biləcəyini də deyib.
Gununsesi.info
