Ombudsman Bərdədə qaçırılan 17 yaşlı qızla danışdı

Son günlər sosial şəbəkələrdə Bərdə rayonunda yetkinlik yaşına çatmayan qızın qaçırılması ilə bağlı valideyninin müraciəti əsasında yayılmış məlumatlar Azərbaycan Respublikasının İnsan Hüquqları üzrə Müvəkkili (Ombudsman) tərəfindən nəzarətə götürülüb.

Gununsesi info xəbər verir ki, bu barədə Ombudsman Aparatı məlumat yayıb.

Bu məqsədlə dünən Müvəkkil şəxsən yetkinlik yaşına çatmayan qızla telefon əlaqəsi saxlayıb, vəziyyəti ilə maraqlanıb, ona hüquqlarını bildirib, həmçinin, hazırda yaşadığı ailədə olan insanlarla da danışıb. 

Eyni zamanda, Ombudsman tərəfindən valideynin müraciətində əks olunan halların tam araşdırılması üçün müvafiq qurumlara müraciət edilib.

Gununsesi.info