Oqtay Əliyevin dəfni ilə bağlı ailə üzvləri onun Qurd qapısı qəbiristanlığında torpağa tapşırılmasını istəyirlər.
Gununsesi.info xəbər verir ki, bu barədə əməkdar artist Dilarə Əliyevanın qardaşı Vüsal Murtuzəliyev açıqlamasında deyib.
“Amma daha öncə fikrimiz onu Mehdiabad məzarlığında dəfn etmək idi, çünki onun nənəsi həmin yerdə dəfn olunub. Bacım Dilarə dedi ki, Oqtay Əliyev hörmətli adamdır, fəxri titulu var, ona görə də onun Qurd qapısı qəbiristanlığında dəfn olunmasını istəyir. Mədəniyyət Nazirliyindən dəfnlə bağlı cavab gözləyirik”, – Vüsal Murtuzəliyev bildirib.
Qeyd edək ki, Oqtay Əliyevin idarə etdiyi “Toyota Leksus” markalı avtomobil yolun hərəkət hissəsindən çıxaraq aşıb. Avtomobildə xalq artisti Mehriban Zəki yaralanıb, Dilarə Əliyeva isə yüngül xəsarət alıb.
Gununsesi.info
