“Oskar” mükafatlı “Parazit” filmindəki rolu ilə yadda qalan Cənubi Koreyalı aktyor Li Sun Kyun avtomobilində ölü tapılıb.
Gununsesi.info xəbər verir ki, narkotikdən istifadə etdiyi üçün istintaqa cəlb olunan aktyorun ölümü ilə bağlı araşdırmalara başlanılıb.
Ölkənin “Yonhap” xəbər agentliyi aktyorun paytaxt Seuldakı dayanacaqda avtomobildə ölü tapıldığını yazıb. Aktyorun intihar edə biləcəyindən şübhələnilərkən, onun yanında tüstülənmiş kömür blokunun olması diqqətdən qaçmayıb. Li haqqında narkotik istifadə ittihamı ilə araşdırma aparılırdı. Ölkə mətbuatı narkotik araşdırmasından sonra aktyorun televiziya və reklam işini itirdiyini yazır.
Li Sun Kyun Cənubi Koreyaya Ən Yaxşı Film Oskarını qazandıran “Parazit” filmində baş rolda oynayıb.
Gununsesi.info
