Pakistanın şimal-qərbində yağan güclü yağışlar nəticəsində yüzlərlə ev uçub.
Gununsesi.info xəbər verir ki, ölkə ərazisində müşahidə olunan əlverişsiz hava şəraiti nəticəsində 37 nəfər həlak olub, 47 nəfər xəsarət alıb.
Güclü yağış və qar yağışı Pakistanın şimal-qərbindəki Hayber Paxtunxva və qərbdəki Bəlucistan əyalətlərində təsirli olub. Hayber Paxtunxva və Bəlucistan əyalətlərində 3 gündür davam edən güclü yağışlar zamanı baş verən binaların uçması və torpaq sürüşməsi nəticəsində 37 nəfər həyatını itirib, 47 nəfər isə yaralanıb.
Əlverişsiz hava şəraiti səbəbindən yüzlərlə evin uçması nəticəsində bəzi ailələr evsiz qalıb. Əyalət boyu yollar nəqliyyatın hərəkəti üçün bağlansa da, yollar su altında qaldığından Bəlucistanda bəzi ərazilər vilayətin digər hissələri ilə tamamilə kəsilib.
Pakistan Meteorologiya Müdirliyindən verilən açıqlamada, gələn həftədən etibarən Hayber Paxtunxva, Azad Kəşmir, Gilgit-Baltistan, Bəlucistan və Pəncabda güclü yağışların olacağı açıqlanıb.
Gununsesi.info
