Pakistanın qərbindəki Hayber Paxtunxva əyalətində törədilən terror aktı nəticəsində üçü uşaq olmaqla 6 nəfər yaralanıb.
Gununsesi.info xəbər verir ki, Pakistan mətbuatının məlumatına görə, partlayıcı qurğu Pişəvər şəhərindəki məktəblərdən birinin yaxınlığında yolun kənarına qoyulub.
Səlahiyyətlilər yaralanan uşaqların yeddi-on yaş arasında olduğunu, onlardan ikisinin vəziyyətinin ağır olduğunu bildirir.
Partlayış dalğası çoxlu avtomobillərə və binalara ziyan vurub.
Terrorçuların dörd kiloqram partlayıcıdan istifadə etdiyi bildirilir. Cinayətkarların tutulması istiqamətində əməliyyata başlanılıb.
İlin əvvəlindən Pakistanın Hayber Paxtunxva və Bəlucistan əyalətlərində terror aktlarının sayı artıb.
İslamabad hesab edir ki, Pakistan Taliban (TTP) hərəkatı hücumları Əfqanıstandan planlaşdırır, lakin Kabil bu iddiaları rədd edir.
Gununsesi.info
