Portuqaliyada hər il keçirilən St.Peter Festivalı çərçivəsində müxtəlif layihələr hazırlanır. Bu layihələrdən biri hər kəsin diqqətini öz üzərinə çəkib.
Belə ki, “Teatro Metaphora” adlı dizayn qrupu şəhəri işıqlandırmaq üçün 133 paltaryuyan maşından istifadə edib. Qrup Şekspirdən ilhamlanaraq “Bir yay gecəsi yuxusu” adlandırdıqları layihəni gerçəkləşdirmək üçün əvvəlcə zibilliklərdən və Deus küçəsinin bəzi sakinlərindən köhnə paltaryuyan maşınları yığıb.
Daha sonra onların içərisindəki qazanları çıxararaq təmizləyib, rəngli lampalarla bəzəyiblər. Nəticədə küçədə gözəl görüntü ortaya çıxıb.
Dizayn qrupunun üzvləri gördükləri işi qənaət kimi qiymətləndirib və lazımsız əşyalardan ağıllı istifadə etmək lazım olduğunu qeyd ediblər.
Gununsesi.info
