İsveçrədə Qrenxen aerodromunun yaxınlığında paraşütçüləri daşıyan təyyarə qəzaya uğrayıb.
Gununsesi.info xəbər verir ki, bu barədə “Spiegel” məlumat yayıb.
Məlumata görə, pilot həlak olub, lakin qalan on bir sərnişin paraşütlərdən istifadə edərək yerə təhlükəsiz eniş etməyi bacarıb.
“Keystone-SDA” xəbər agentliyinin məlumatına görə, qəzaya uğrayan təyyarə “Skydive Grenchen” paraşüt klubuna məxsus olub. Solothurn kanton polisinin, Qrenxen yanğınsöndürmə briqadasının, Federal Təhlükəsizlik Xidmətinin (Sust) istintaq mərkəzinin və Federal Cinayət Polisinin bir neçə patrulu hadisə yerində olub.
Qəzanın dəqiq necə baş verdiyi hələlik bəlli deyil.
Kiçik Qrenxen şəhəri mühüm regional hava limanına ev sahibliyi edir. Hava limanı hər il təxminən 60 min uçuş qəbul edir. Təyyarə yaxınlıqdakı əkin sahəsinə çırpılıb.
Gununsesi.info
