Payız və qış mövsümünə hazırlıq zamanı Ümumdünya Səhiyyə Təşkilatı (ÜST) insanları omikron ştamından qorumaq üçün vaksinasiyanın sayını artırmağı tövsiyə edib.
Gununsesi.info xarici mətbuata xəbər verir ki, bu barədə qurumun Avropa Bürosu məlumat yayıb.
“Epidemioloji vəziyyət ölkədən ölkəyə dəyişir, qış və payıza hazırlıq zamanı ÜST ölkələri infeksiyanın yayılmasını azaltmaq üçün səyləri yeniləməyə və səhiyyə sistemlərini artan təzyiqə hazır olmağa çağırır” , – ekspertlər bildiriblər.
Mütəxəssislər, həmçinin immun çatışmazlığı olan beş yaşdan yuxarı uşaqlar və onların yaxınları üçün ikinci gücləndirici dozanı vurmağı tövsiyə ediblər. ÜST vurğulayıb ki, bu payızda peyvənd olunan insanların sayının artırılması virusun qarşısının alınmasında mühüm oynayacaq.
Həkimlər ölkə sakinlərini qapalı yerlərdə və ictimai nəqliyyatda maska taxmağa, insanların sıx toplaşdığı yerlərdə havalandırmanı təmin etməyə çağırıb. Bundan əlavə, onlar “ağır xəstəlik riski olan şəxslər üçün ciddi terapevtik protokollardan” istifadə etməyi vacib hesab edirlər.
Gununsesi.info
