Peterburqdakı terrorda ölən azərbaycanlı tələbə qız Bakıda dəfn olundu - FOTO

  • By admin
  • 06 Aprel 2017 14:28

187657_res_01

Sankt-Peterburq metropolitenində törədilən partlayış nəticəsində ölən 20 yaşlı azərbaycanlı Dilbər Əliyeva bu gün Bakıda Hövsan qəbiristanlığında dəfn edilib.

Gununsesi.info istipress-ə istinadən məlumat verir ki, D.Əliyevanın valideynlərinin Sankt-Peterburqda yaşamasına, onun Rusiya vətəndaş olmasına baxmayaraq, mərhumun valideynləri onu vətənində torpağa tapşırmaq istəyiblər.

Dəfn mərasimində mərhumun qohumları, dostları və tələbə yoldaşları iştirak ediblər. Dilbər Əliyevanın ailəsi terroru lənətlədiklərini bildiriblər.

Sankt-Peterburq metrosunda aprelin 3-də törədilmiş terror aktı nəticəsində həlak olan D.Əliyeva imperator I Aleksandr adına Sankt-Peterburq Dövlət Nəqliyyat Universitetinin üçüncü kurs tələbəsi olub. D.Əliyevanın ailəsi əslən Gürcüstanın Faxralı kəndindəndir.

Ailənin həm Sankt-Peterburqda, həm də Bakıda evləri olub. Ailə Rusiyadakı evlərini satıb Bakıya köçməyi planlaşdırırmış. Bunu hələ reallaşdırmamalarının səbəbi isə Dilbərin tələbə olması imiş. Üçüncü kursda təhsil alan Dilbər Universiteti bitirdikdən sonra ailə Bakıya köçəcəkmiş.

Qeyd edək ki, aprelin 3-də Peterburq metrosunun iki stansiyasının keçidində kamikadzenin özünü partlatması nəticəsində 14 nəfər ölüb, 50-dən artıq insan isə yaralanıb. Yaralananlar arasında da azərbaycanlı var.

187658_src