İsrail ilkin olaraq Hizbullahla döyüşəcəyi təqdirdə peycerləri Livanda partlatmağı planlaşdırırdı, lakin məxfiliyin ləğv olunacağından qorxaraq ölkə rəhbərliyi belə bir fürsət olduğu halda cihazları işə salmağa qərar verib.
Gununsesi.info xəbər verir ki, bu barədə İsrailin Walla portalı mənbələrə istinadən yazır.
Keçmiş İsrail rəsmisi bildirib ki, peycerlərin bombalanması genişmiqyaslı hərbi əməliyyatlar zamanı Hizbullaha qarşı “sürpriz ilk zərbə” kimi planlaşdırılıb.
Görüşdən sonra “Hizbullah”ın cihazlarda nəyinsə səhv olduğunu anlayacağına dair qorxular olduğundan İsrail tərəfi indi hərəkətə keçmək qərarına gəlib.
“İsrail elə bir vəziyyətdə idi ki, ya ələ keçirilən peycerlərdən istifadə edəcək, ya da bu qabiliyyətini itirəcək”, -deyə anonimlik şərti ilə üç ABŞ rəsmisi nəşrə bildirib.
Onların sözlərinə görə, peycer partlayışlarından bir neçə dəqiqə əvvəl İsrailin müdafiə naziri Yoav Gallant amerikalı həmkarı Lloyd Ostinə zəng edərək İsrailin yaxın vaxtlarda Livanda əməliyyat keçirəcəyini bildirib.
Lakin o, təfərrüatları açıqlamaqdan imtina edib. Rəsmilər İsrailin hücumun təfərrüatları barədə ABŞ-a əvvəlcədən məlumat vermədiyini, Qallantın telefon danışığının isə İsrailin ABŞ-a ümumiyyətlə məlumat verməyəcəyi bir vəziyyətdən qaçmaq cəhdi olduğunu vurğulayıb.
Qeyd edək ki, sentyabrın 17-də Beyrutun cənub ətrafı da daxil olmaqla Livanın bir sıra regionlarında peycerdə güclü partlayışlar baş verib.
Al Jadeed telekanalı Səhiyyə Nazirliyinə istinadən xəbər verir ki, peycer partlaması nəticəsində 4 min vətəndaş xəsarət alıb.
Gununsesi.info
