Milli Qəhrəman, şəhid Polad Həşimovun anası Səmayə Haşımova Türkiyədə səfərdə olub.
Gununsesi.info-nun xəbərinə görə, bu barədə “Palmali” Şirkətlər Qrupunun rəhbəri Mübariz Mənsimov sosial şəbəkə hesabında paylaşıb.
Bu gün şəhid generalımız Polad Həşimovun bizə müqəddəs əmanət olaraq qoyub getdiyi anası Səmayə anam və bacım Kəmalə xanım Yalovanın Doğruyol tərsanəsində təmir işlərinə dayanan “General Polad Həşimov” gəmisini ziyarət etdilər. Səmayə ana və Kəmalə xanım əvvəlcə gəmi kapitanının müşayiəti ilə gəminin göyərtəsini gəzdilər. Bundan sonra onlar şəhid generalımızın xatirə guşəsinə baxış keçirdilər. Səmayə ana oğlu Polad Həşimov haqqında heyət üzvlərilə fikirlərini bölüşdü, köhnə günlərin xatirələrini təzələyərək hər kəsi kövrəltdi və, eyni zamanda, qürurverici anlar yaşatdı. Səmayə ana gəminin heyət üzvlərinə qəhrəman general Polad Həşimovun adını daşıyan gəmidəki fəaliyyətlərində bundan sonra da uğurlar arzu etdi.
Allah bütün Şəhidlərimizə rəhmət eləsin!
Gununsesi.info
