12 il əvvəl ABŞ-ın ən məşhur şəhərlərindən biri olan Nyu-Yorkda polis məmuru olan Alisa Bayraktareviç yaşadığı ayrı-seçkilik və təqib qalmaqallarına görə polis idarəsini məhkəməyə vermək qərarına gəlib.
Gununsesi.info xəbər verir ki, 34 yaşlı gənc qadına qarşı keçmiş sevgilisinin narkotik alveri ilə məşğul olduğu iddiası irəli sürülüb. İstintaqa çağırılan gənc qadın bu müddət ərzində böyük ayrı-seçkiliyə və hücumlara məruz qaldığını bildirib.
Bu istintaqla karyerasına böyük ziyan vuran Bayraktareviç illər əvvəl münasibətdə olduğu sevgilisi leytenant Mark Riveraya göndərdiyi çılpaq fotoların ondan icazəsiz polis bölməsində yayıldığını açıqlayıb.
Gənc qadın Manhetten Ali Məhkəməsinə müraciət edərək bu fotonun ona qarşı qarayaxma kampaniyası kimi yayıldığını bildirib. Bayraktareviç “Sən bu baş verən ilk və ya sonuncu qadın deyilsən” deyərək təhdid edildiyini də bildirib.
Bayraktareviç və onun o vaxtkı sevgilisi Kelvin Hernandez bir müddət əvvəl adi bir trafik nəzarəti tərəfindən dayandırılıb və Hernandezin narkotik alveri ilə məşğul olduğu ortaya çıxıb. Həmin vaxt iddiaları təkzib edən Bayraktareviçin çılpaq fotoları yayılmağa başlayıb.
“Əgər nəyisə inamla etsəniz, yenə də hücuma məruz qalacaqsınız. Bu barədə həmkarlar ittifaqının nümayəndəsindən öyrəndim ki, o, təqaüdçü polisin mənim şəklimi Votsapda qrup mesajında paylaşdığını deyib”, – Bayraktareviç bildirib.
Bu fotonu yayanlara qarşı heç bir araşdırma başlamasa da, gənc qadın ikili standartın olduğunu bildirib. Bayraktareviç 2022-ci ildə də cinsi təcavüzə məruz qaldığını bildirib.
Gununsesi.info
