Polşa Rusiyanın Ukraynaya yeni kütləvi raket hücumu səbəbindən F-16 qırıcılarını səmaya qaldırıb.
Gununsesi.info xəbər verir ki, bu barədə Polşa Silahlı Qüvvələrinin Əməliyyat Komandanlığı məlumat yayıb.
“Polşa hava məkanının təhlükəsizliyini təmin etmək üçün iki cüt F-16 döyüş təyyarəsi və müttəfiqlərə aid yanacaq dolduran təyyarəni havaya qaldırıb”, – deyə məlumatda bildirilir.
Laskidəki bazada yerləşən bir cüt döyüş təyyarəsi saat 5.45 radələrində havaya qalxarkən, Krzesiny bazasından bir cüt döyüş təyyarəsi saat 6.15 radələrində havaya qalxıb.
Yanvarın 2-də səhər saatlarında Rusiya Ukraynaya raketlərlə intensiv hücuma keçib. Qeyd olunub ki, raket qalıqları Kiyevin Peçersk, Obolonski, Qoloseyevski və Svyatoşinski rayonlarına düşüb. İlkin məlumatlara görə, Podolski rayonunda mülki infrastruktur obyektinin ərazisinə zərbə endirilib.
Rusiyanın Ukraynaya əvvəlki iri hücumu zamanı Rusiya raketi Polşanın hava məkanını pozmuşdu. Polşa hərbçiləri raketin Polşanın 40 kilometr dərinliyində uçduğunu və üç dəqiqə sonra Ukraynaya qayıtdığını müəyyən ediblər.
Gununsesi.info
