Polşa və ABŞ hökumətləri 96 ədəd “Apache AH-64E” hücum helikopterinin tədarükü üzrə müqavilə imzalayıb.
Gununsesi.info xəbər verir ki, bu barədə məlumat Polşa Müdafiə Nazirliyinin “X” sosial şəbəkəsindəki səhifəsində yerləşdirilib.
“Baş nazirin müavini və milli müdafiə naziri Vladislav Kosinyak-Kamısh Polşa ordusu üçün 96 ədəd “Apache AH-64E” hücum helikopterinin tədarükü üzrə müqavilə imzalayıb. ABŞ hökuməti ilə müqaviləyə həmçinin logistika və təlim xidmətləri paketinin göstərilməsi, döyüş sursatı və ehtiyat hissələrinin tədarükü daxildir”, – məlumatda deyilir.
Polşa tərəfi adından müqaviləni imzalayan Kosinyak-Kamış Varşavanın bu helikopterləri 2028-ci ildə almağa başlayacağını bildirib. Müqavilənin dəyəri 10 milyard ABŞ dolları olacaq.
Gununsesi.info
