Portuqaliya Ukraynaya 95 milyon avro məbləğində əlavə yardım göndərmək niyyətindədir.
Gununsesi.info xəər verir ki, bu barədə Portuqaliyanın Baş naziri Luis Monteneqro NATO sammiti zamanı Vaşinqtonda jurnalistlərə bildirib.
“Portuqaliya Ukraynanı qeyd-şərtsiz dəstəkləyir. Mən də bildirmək istəyirəm ki, bu il bir qədər sonra biz verilən 126 milyon avroya daha 95 milyon avro əlavə edəcəyik”, -deyə o söyləyib.
İyulun 10-da Portuqaliya baş naziri bildirib ki, ölkəsinin Ukraynaya yardımı bu il təxminən 220 milyon avroya çatacaq və ölkə 2025-ci ildə də Ukraynaya eyni məbləğdə yardım göstərmək niyyətindədir.
Xatırladaq ki, bu ilin may ayının 28-də Ukrayna və Portuqaliya 2024-cü ildə Kiyevə ilkin olaraq 126 milyon avro hərbi yardım ayırmasını nəzərdə tutan təhlükəsizlik sazişi imzalayıblar.
Lissabon, həmçinin “F-16” qırıcılarının göndərilməsi üzrə beynəlxalq koalisiyada, dəniz koalisiyasında, həmçinin Kiyev üçün iriçaplı sursatların alınması proqramlarında və Ukrayna ərazisindən minaların təmizlənməsi səylərində iştirakını təsdiqləyib.
Ceyhun
Gununsesi.info
