Nazarbayev nüvə başlıqlarından imtina etməsinin əsas səbəblərini açıqladı: “Nüvə başlıqlarının istənilən şəxsin əlinə düşəcəyindən ehtiyat etdiyimizdən satdıq”.
Gununsesi.info xəbər verir ki, bu fikri Qazaxstan prezidentin Nursultan Nazarbayev Yaponiya mediasına müsahibəsində deyib.
Qazaxstan prezidentinin rəsmi saytının yaydığı məlumata əsasən, N. Nazarbayev yaponiyalı jurnalistlərin ölkədə nüvə silahından imtina etməsi və poliqonun bağlanması ilə sualına cavab olaraq bildirib ki, ölkəmiz nüvə silahından imtina etmək və poliqonu bağlamaqla bəşəriyyətə rahat nəfəs alması üçün bir şans verdi. “Bu qədər silahın belə bir ölkədə olmasını təsəvvür edin nə deməkdir. Bu istənilən adamın əlinə keçə bilər. Bu gün mən prezidentəm. Sabah başqası olacaq. Hakiyyətə gələcək şəxs ambisiyalarla gələcək heç kim bilmir. Ölkəmin gələcəyi ilə bağlı nələr olacaq. Hansı münasibətlər olacaq. Belə suallar yarandığından düşünərək belə bir qərar verdik ki, bu silahlardan xilas olaq. Bu raketləri yığışdıraq, uzaq məsafələrə uçan bombardman təyyarələri hərbi təyyarələrə dəyişək. Biz bu təyyarə və nüvə raket başlıqlarını sataraq dövlətimizə pul gətirdik və sərmayə cəlb olunmasına çalışdıq”- deyə, N. Nazarbayev vurğulayıb.
Rusiya-Yaponiya arasındakı münasibətlərə toxunan Nazarbayev bildirib ki, bu gün iki ölkə arasında yaxşı əlaqələr yaranıb və çox aktiv danışıqlar gedir: “Mən dəqiq bilirəm ki, Putin və Rusiya etibarlı əlaqələr qurmaq istəyir. Bilirəm ki, bu iki ölkə arsında adalar məsələsi hər zaman müzakirə predmeti olub. Bu gün bir çox ölkələrdə həll olunmamış məsələlər var. Bu cür məsələlər ancaq ölkələr arasındakı yaxşı və etibarlı münasibətlərin qurulması nəticəsində həllini tapa bilər”.
Qazaxstan prezidenti deyib ki, Rusiya ilə Yaponiya arasında yaxşı iqtisadi əlaqələr qurularsa və dostluq və qarşılıqlı ticarət haqqında sənədlər imzalanarsa, o zaman digər məsələlər də öz həllini tapacaq.
Gununsesi.info
