Qırğızıstanda 1,5 milyondan çox səs sayılıb, hakim Sosial Demokrat Partiyasının namizədi Soornbay Jeenbekov səslərin 55 faizini qazanıb.
Gununsesi.info xarici mətbuata istinadən xəbər verir ki, bunu bu gün Qırğızıstan Mərkəzi Seçki Komissiyasının sədri Nurcan Şayldabekova bildirib.
Prezident seçkilərində qeydə alınmış 3 milyon 25 min 770 seçicidən 1 milyon 557 min 225 seçici səsvermədə iştirak edib. Sayılması başa çatmış 1,5 milyondan çox səsin 885 min 649-nu S. Jeenbekov qazanıb. MSK sədri bunun sayılan səslərin 55 faizini təşkil etdiyini söyləyib.
S. Jeenbekovun əsas rəqibi olan müxalifət liderlərindən Omurbek Babanov 529 min 118 səs toplayıb. Bu, səslərin 33 faizini təşkil edir.
Gununsesi.info
