Vladimir Putin Kemerovaya səfəri zamanı “Qış albalısı” Ticarət Mərkəzində baş verən yanğın nəticələrinin araşdırmasından narazı olan şəhər əhalisi ilə görüşüb.
Gununsesi.info interfax-a istinadən xəbər verir ki, Kemerova şəhər meri İlya Seredyuk şəhər əhalisinin narazı olan təbəqəsinin 15 nəfərlik nümayədəsi ilə məhkəmə tibbi ekspertizasının morquna gələrək, məsələniN dəqiqliyini yerində araşdırıblar. Kemerovada səfərdə olan prezident Putin planını dəyişdirərək yanğının araşdırlmasından narazı olan şəhər əhalisi ilə görüşməyə qərar verib.
Putin yanğın nəticəsində ölən və xəsarət alanların yaxınları ilə görüşdə onları əmin edib ki, araşdırma onun nəzarətindədir və bütün məsələlər ciddi surətdə araşdırılacaq: “Buna kimsənin şübhəsi olmasın. Hazırda yüzdən artıq mütəxəssisin iştirakı ilə araşdrma aparılır. Odur ki, məsələ diqqətlə araşdırılacaq və günahkarlar layiqli cəsazını alacaq”.
Putin onu da bildirib ki, hadisə nəticəsində ölənlərlə bağlı verilən rəqəmlər doğrudur və buna heç bir şübhə olmamalıdır.
Qeyd edək ki, martın 25-də Kemerovanın “Qış albalısı” Ticarət mərkəzində baş verən yanğın nəticəsində 64 nəfər ölüb, xeyli sayda insan isə xəsarət alıb.
Gununsesi.info
