Prezidentliyə namizəd Sərdar Cəlaloğlu özünün Milli təhlükəszlik konsepsiyasında dövlət quruluşunun qorunması məqsədi ilə ölkə ərazisində muxtar qurumları ləğv etməyi və yenisinin yaradılmasının yolverilməzliyini təklif edir.
Gununsesi.info xəbər verir ki, prezidentliyə namizəd S. Cəlaloğlu dövlət quruluşunun qorunması məqəsdi ilə Azərbaycan dövlətinin dünyəvi, demokratik, hüquqi, sosial və unitar dövlət quruluşunu möhkəmləndirməyi; praktikanı konstitusiyaya uyğunlaşdırmağı, dövlətin ərazisində muxtar qurumları (Naxçıvan Muxtar Dövlət statusunu) ləğv etmək və belə qurumların yaradılmasının yolverilməzliyini təmin etməyi; dövlət quruluşunu dəyişdirmək cəhdlərinə yol verməmək və sərt qanuni tədbirlər görməyi; ölkə daxilində fəaliyyət göstərən xaricdən dəstəklənən daxili qüvvələrin istənilən fəaliyyəti qadağan etməyi; separatizmin, etnik, dini və sosial dözümsüzlüyün istənilən təzahürünə qarşı sərt tədbirlər proqramı həyata keçirməyi təklif edir.
Mürtəza
Gununsesi.info
