Hədə-qorxu ilə tələb etməkdə təqsirləndirilən sabiq deputat Nazim Bəydəmirlinin cinayət işi üzrə məhkəmə prosesi davam edib.
Gununsesi.info xəbər verir ki, Bakı Ağır Cinayətlər Məhkəməsində keçirilən prosesdə məhkəmə istintaqı başa çatıb.
Prokuror çıxış edərək sabiq deputatın 9 il azadlıqdan məhrum edilməsini istəyib.
Qeyd edək ki, eks-deputat 2023-cü ilin iyulunda həbs olunub.
İttihama görə, vətəndaş polisə müraciət edərək N.Bəydəmirlinin onu rüsvayedici görüntülərlə hədələyərək 50 min manat pul tələb etdiyini deyib. O bildirib ki, ötən il iyunun 24-də N.Bəydəmirliyə 10 min manat versə də, sonuncu qalan məbləği vermədiyinə görə şikayətçini ailəsi ilə şantaj edərək rüsvayedici görüntüləri yayacağını deyib.
N.Bəydəmirliyə qarşı Cinayət Məcəlləsinin 182.2.4-cü (hədə-qorxu ilə tələb etmə, xeyli miqdarda əmlak əldə etmək məqsədi ilə törədildikdə) maddəsi ilə ittiham irəli sürülüb.
Prokurorun çıxışına etiraz edən Nazim Bəydəmirli məhkəmədə hər hər hansı bir cinayətinin ortaya çıxmadığını deyib.
O, çıxışında məhkəmədən və vəkili Aqil Layicdən imtina etdiyini deyib.
Qeyd edək ki, Nazim Bəydəmirli “Söyüdlü olayı”ndan sonra özünün şikayətçi olduğu işə görə həbs edilib.
Gununsesi.info
