“LetterOne” investisiya şirkətinin həmtəsisçisi, rusiyalı milyarder German Xan Avropa İttifaqının (Aİ) tətbiq etdiyi sanksiyalara qarşı məhkəmə şikayətini uduzub.
Gununsesi.info xəbər verir ki, bu barədə “Bloomberg” agentliyi məlumat yayıb.
Agentlik qeyd edib ki, müvafiq qərarı çərşənbə günü Aİ-nin Lüksemburqdakı Ədalət Məhkəməsi qəbul edib.
Xan biznes ortağı Mixail Fridman ilə birlikdə sahib olduğu “Alfa Group”un ortaq sahibi kimi Aİ-nin sanksiyalar siyahısına daxil edilib.
Aİ Xanın Putinlə “yaxın münasibət saxladığını” və “ona əhəmiyyətli xidmətlər göstərməyə davam etdiyini” və Alfa Qrupunun sahiblərinin “bu əlaqələrdən biznes və hüquqi faydalar əldə etdiyini” açıqlayıb.
Xan həmçinin Lüksemburqda yerləşən “LetterOne” şirkəti ilə tanınır. 2013-cü ildə Fridman, Aleksey Kuzmiçev və Peter Aven tərəfindən təsis edilib. Onların hamısı 2022-ci ilin martında sanksiyaya məruz qaldıqdan sonra direktorlar şurasından istefa veriblər.
2022-ci il martın 15-dən Xan Putinlə sıx əlaqələri və Rusiyanın maliyyə sektorunda işləməsi səbəbindən bütün Aİ ölkələrinin sanksiyaları altındadır.
Böyük Britaniya və İsveçrə də Xana qarşı sanksiyalar tətbiq edib.
Xatırladaq ki, noyabrın əvvəlində Putinin digər oliqarxı Dmitri Mazepin sanksiyalara etiraz etdiyi Aİ Məhkəməsində uduzmuşdu.
Finlandiyada isə Aİ-nin sanksiya siyahısında olan və Rusiya müdafiə sənayesi ilə əlaqəli olan rusiyalı iş adamı Boris Aleşinin əmlakına həbs qoyulub.
Gununsesi.info
