Qazaxstanda səfərdə olan Rusiya prezidenti Vladimir Putin, prezident Nursultan Nazarbayevlə Almata yaxınlığındakı qış turizm mərkəzində birgə xizək sürüblər.
Gununsesi.info “Tengrinews.kz”-ə istinadən xəbər verir ki, fevralın 26-da Qazaxstana səfər edən Putin Nazarbayevlə qeyri-rəsmi və işgüzar görüşü Almatı yaxınlığında qış dağ turizm mərkəzində reallaşıb. Qeyri rəsmi formada görüşdən sonra prezidentlər dağ-xizək kurortunda xizək sürüblər.
Fevralın 27-də isəhər iki ölkə başçısının rəsmi görüşü reallaşıb və bu görüşdə geniş spektr məsələlər müzakirə olunub.
Nazarbayevlə Putin görüşdə iki ölkə arasındakı əlaqələrin inkişaf etdilməsindən tutmuş regional, beynəlxalq aləmdəki vəziyyəti müzakirə ediblər.
Putin görüşdə Nazarbayevə Suriya probleminin həlli ilə bağlı Astanada keçirilən görüşlərə görə öz təşəkkürünü də bildirib.
Onu da qeyd edək ki, Putin Qazaxstandan Qırğızstana və Tacikstan səfər edəcək.
Gununsesi.info
