Rusiya prezidenti Vladimir Putin fevralın ikinci yarısında Türkiyəyə səfər edə bilər.
Gununsesi.info xəbər verir ki, bu barədə Türkiyənin “A haber” telekanalı məlumat yayıb.
“Səfərin tarixi Pekin Olimpiadasından sonra bəlli olacaq, Putinin Ankara ziyarəti fevralın ikinci yarısında baş tutacaq”, – telekanal xəbər verir.
Daha əvvəl Rusiya liderinin mətbuat katibi Dmitri Peskov bildirmişdi ki, Putin epidemioloji vəziyyət və qrafiklər imkan verən kimi prezident Rəcəb Tayyib Ərdoğanın Türkiyəyə dəvətindən yararlanacaq.
Bir müddət əvvəl Türkiyənin xarici işlər naziri Mövlud Çavuşoğlu da Rusiya prezidentinin Türkiyəyə səfərinin Pekin Olimpiadasının açılışından sonra mümkün olduğunu bildirmişdi.
Xatırladaq ki, Pekin Qış Olimpiya Oyunlarının açılışı dünən – fevralın 2-də olub. Olimpiada fevralın 4-dən 20-dək keçiriləcək.
Gununsesi.info
