Qəbələdə ölümlə nəticələnən yol-nəqliyyat hadisəsi baş verib.
Gununsesi.info -nun məlumatına görə, hadisə Aydınqışlaq kəndi ərazisində qeydə alınıb.
Seymur Zamanovun idarə etdiyi VAZ-2107 və Əmrah Qasımovun idarə etdiyi QAZ-53 markall avtomobillər toqquşub. Qəza nəticədə VAZ-ın sürücüsü xəsarət alıb, sərnişini Yevlax rayon sakini Fərman Səfərov isə aldığı xəsarətlərdən ölüb.
Məlumatı DİN-in mətbuat xidmətinin Şəki regional qrupundan təsdiq ediblər. Qeyd edilib ki, faktla bağlı cinayət işi başlanılıb.
