Qəbələ rayonunda bir nəfərin ölümü, digərinin ağır xəsarət alması ilə nəticələnən avtomobil qəzası baş verib.
Gununsesi.info xəbər verir ki, hadisə gecə saatlarında Qəbələ-Oğuz avtomobil yolunda, Nic qəsəbəsi ərazisində qeydə alınıb. Belə ki , Qax rayon sakini, 24 yaşlı İntiqam Qaracayevin idarə etdiyi Mersedes markalı minik avtomobili yüksək sürətlə hərəkətdə olarkən sürücü qəflətən idarəetməni itirib və avtomobil yoldan çıxaraq ağaca dəyib. Avtomobil tamamilə əzilərək yararsız hala düşüb. Qəza zamanı sürücü İntiqam Qaracayev aldığı ağır xəsarətlər səbəbindən hadisə yerində dünyasını dəyişib. Minik avtomobilində sıxılmış vəziyyətdə qalan İntiqam Qaracayevin meyiti ,Fövqəladə Hallar Nazirliyinin Şimal-Qərb Regional Mərkəzinin xilasetmə qüvvələri, tərəfindən çıxarəlaraq aidiyyətı üzrə təhvil veriblər.Qəza zamanı avtomobildə olan sərnişin, 31 yaşlı Esmira Abbasova müxtəlif dərəcəli bədən xəsarətləri ilə Qəbələ rayon Mərkəzi Xəstəxanasına çatdırılıb.
Faktla bağlı Baş Dövlət Yol Polisi İdarəsinin istintaq və təhqiqat şöbəsi tərəfindən araşdırma aparılır.
Gununsesi.info
