“Ölkəmizin Birinci Xanımı, millət vəkili, Heydər Əliyev Fondunun prezidenti Mehriban Əliyeva bütün ömrüm boyunca tanıdığım ən gözəl, daxili sevgi ilə dolu olan, insanlara yaxşılıq üçün yaşayan insanlardandır. Qəlbindəki böyük sevgisi, humanizm duyğuları ilə bərabər ağlı, mərdliyi, cəsarəti ilə də özəl bir İnsandır”.
Gununsesi.info-nun məlumatına görə, bunu millət vəkili Qənirə Paşayeva deputat həmkarı, Heydər Əliyev Fondunun prezidenti Mehriban Əliyevanın növbəti doğum günü ilə bağlı yazdığı “Facebook” statusunda qeyd edib.
Qeyd edək ki, M. Əliyevanın bu gün 52 yaşı tama olur.
Q. Paşayeva sonra qeyd edib ki, O, özünün xarici gözəlliyi ilə bərabər daxili gözəlliyi ilə fərqlənən bir insandır.
“Allah ondan fiziki və mənəvi, heç bir gözəlliyi əsirgəməmiş. Xarici qədər də daxili də gözəl olan bu Qadın minlərlə gənc qızların örnək aldığı, oxşamaq istədiyi bir İnsandır. Sadəcə Azərbaycanda deyil, ölkəmizin hüdudlarından kənarda da hər zaman haqqında böyük heyranlıqla danışılan bir Şəxsiyyətdir. Və biz dəfələrlə beynəlxalq tədbirlər, görüşlər zamanı bunun şahidi olmuşuq. O, Azərbaycanı və qadınımızı dünyada ən gözəl şəkildə təmsil edən bir Azərbaycan Qadınıdır. Bunu hər zaman söyləyirəm. Onu sadəcə bir sözlə ifadə et desəydilər, bu söz Xeyirxahlıq olardı. O, sanki dünyaya xeyirxahlıq üçün gəlib və onu ən gözəl şəkildə də icra edir. Ölkəmiz üçün gördüyü gözəl və böyük işlərlə bərabər o, gözəl Ana və nənədir. Bu gün onun, həyatımda böyük rol oynamış və çox şeylər öyrəndiyim və öyrənməkddə davam etdiyim gözəl İnsanın, milyonlarla insanın sevimlisi ölkəmizin Birinci xanımı, millət vəkili, Heydər Əliyev Fondunun prezidenti, YUNESKO və İSESKO-nun Xoşməramlı səfiri, dəyərli Mehriban xanım Əliyevanın doğum günüdür. Onu təbrik edir və Allahdan qəlbində olan bütün arzularına çatmasını diləyirəm. Ona Ali Baş Komandanımızın rəhbərliyi ilə işğaldan azad edəcəyimiz o gözəl torpaqlarımızda doğum günü qeyd etməyi diləyirəm. Bu onun də ən böyük arzularının önündə gəlir”-deyə, Q. Paşayeva daha sonra yazıb.
Gununsesi.info
