Millət vəkili Qənirə Paşayeva “Aprel zəfəri” şəhidlərimizdən, döyüşlərdə qəhramanlıqla həlak olan Xaliq Əzizzadənin Xətai rayonunda yaşadığı binanın önündə xatirə lövhəsinin açılışında iştirak və çıxış edib.
Gununsesi.info-nun xəbərinə görə, tədbirdə çıxış edən millət vəkili şəhidlərimizin həyat yolunun bütün gənclərimiz üçün örnək olduğunu xüsusi vurğulayıb.
O, çıxışında gəncləri şəhidlərimizi daha geniş tanımağa və öyrənməyə çağırıb. Daha sonra şəhidin valideynlərinin və millət vəkilinin iştirakıyla xatirə lövhəsinin üzərindəki örtük götürülüb.
Tədbirdə şəhidin valideynləri, yaxınları və dövlət nümayəndələri lövhənin hazırlanmasında və şəhidin ailəsinə göstərdiyi diqqət və qayğıya görə millət vəkilinə öz təşəkkürlərini bildiriblər.
Gülnaz Qənbərli
Gununsesi.info
