Ümumdünya Səhiyyə Təşkilatının (ÜST) baş direktoru Tedros Adhanom Qebreyesus İsrailin Qəzzaya hücumlarının 100-cü gününü “faciə” kimi qiymətləndirərək, atəşkəs tələbini təkrarlayıb.
Gununsesi.info xəbər verir ki, Qebreyesus İsrailin Qəzzaya hücumları ilə bağlı X sosial media platformasında açıqlama yayıb.
Sözügedən hücumlarla bağlı “Bu gün faciənin 100-cü günüdür” yazıb. Qebreyesus bu açıqlamadan istifadə edərək, İsrailin hücumlarından sonra Qəzzada “böyük humanitar böhran” yaşandığını vurğulayıb.
Qəzzadakı xəstəxanaların əksəriyyətinin xəstəxanalara edilən 300-dən çox hücum və kritik yardıma təhlükəsiz çıxışın rədd edilməsi səbəbiylə fəaliyyət göstərmədiyinə diqqət çəkən Qebreyesus qeyd edib ki, “Xəstəliklər getdikcə daha kiçik məkanlara sıxışmağa məcbur olan və təmiz suya çıxışı olmayan əhali arasında yayılır”.
Qəzzada insanlar cəhənnəmdə yaşayırlar”. Qebreyesus atəşkəs çağırışını təkrarlayıb.
Birləşmiş Millətlər Təşkilatının və Ümumdünya Səhiyyə Təşkilatının Qəzzaya lazım olan yardımı göstərməsinin davamlı olaraq qarşısının alındığını vurğulayan Qebreyesus israilli məhbuslara da toxunub və onların azadlığa buraxılmasını istəyib.
Gununsesi.info
