Noyabrın 24-də qüvvəyə minməsi gözlənilən humanitar fasilə bitdikdən sonra İsrail Qəzza zolağında hücumları davam etdirəcək.
Gununsesi.info xəbər verir ki, bu barədə İsrail Ordusunun Baş Qərargah rəisi Herzi Halevi blokada altındakı anklavın şimalında fəaliyyət göstərən yüksək səviyyəli İsrail komandirləri ilə görüşündə bildirib.
“Biz müharibəni dayandırmırıq. Biz “qələbə” əldə edənə qədər davam edəcəyik, irəliləyəcəyik və HƏMAS-ın digər bölgələrinə davam edəcəyik”, – deyə Baş Qərargah rəisi bildirib.
Ötən gün İsrailin baş naziri Benyamin Netanyahu da humanitar fasilədən sonra İsrailin Qəzza zolağına hücumlarını davam etdirəcəyini bildirib.
Qətər və Misirin vasitəçiliyi ilə İsrail və HƏMAS arasında əsirlərin mübadiləsinə dair razılıq əldə olunub.
Bu təşəbbüs Qəzza zolağında dörd günlük humanitar pauzanın yaradılmasını nəzərdə tutur.
Hələlik rəsmi açıqlama verilməsə də, humanitar fasilənin noyabrın 24-dən qüvvəyə minəcəyi gözlənilir.
Gununsesi.info
