İsrailin Qəzzaya hücumları davam edərkən diqqətçəkən bir xəbərdarlıq gəlib.
Gununsesi.info xəbər verir ki, “Save The Children” (“Uşaqları xilas edin”) təşkilatı tərəfindən yayılan yazılı açıqlamada Qəzzada ilin sonuna qədər doğulması gözlənilən 15 min körpənin hamısının şiddətin artması səbəbindən ciddi risk altında olduğu vurğulanıb və bölgədə su və qida, tibbi xidmətdə böhranın olduğu vurğulanıb.
Açıqlamada təşkilatın körpə doğumları ilə bağlı apardığı bu araşdırmanın Qəzzada hər gün təxminən 180 uşağın doğulduğunu təxmin edən Birləşmiş Millətlər Təşkilatının (BMT) son məlumatlarına əsaslandığı bildirilib. Bundan əlavə, son araşdırmaya istinadən, işğal olunmuş Fələstin ərazilərində çoxlu doğum göstəricilərinin də nəzərə alındığı bildirilib.
Açıqlamada Qəzzada uşaq dünyaya gətirən qadınların təxminən 15 faizinin hamiləlik və ya doğuşla bağlı ağırlaşmalar yaşamasının “ehtimal” olduğu ifadə edilib.
“”Save The Children” müəyyən edib ki, bu il Qəzzada 66 000-dən çox körpənin doğulması gözlənilir və insanların əsas ehtiyaclardan məhrum olduğu bir vaxtda gələn ay 5 500 hamilə qadın uşaq dünyaya gətirəcək. Təmiz su qıtlığı var, ərzaq və dərmanlar azalır. Artıq ciddi problemlərlə üzləşən xəstəxanalar və səhiyyə müəssisələri hücuma məruz qalır və minlərlə xəstə, o cümlədən hamilə qadınlar və yeni doğulmuş körpələr ciddi təhlükə altındadır”, – deyə açıqlamada bildirilib.
Açıqlamada qeyd olunub ki, Ümumdünya Səhiyyə Təşkilatı (ÜST) hazırda Qəzzadakı xəstəxanaların yarıdan çoxunun “fəaliyyət göstərmədiyini” bəyan edib və mətbuatın verdiyi məlumata görə, Qəzzanın ən böyük xəstəxanası olan “Şifa” xəstəxanasında vaxtından əvvəl doğulan körpələr bu şərtlərdə sağ qalmaq üçün folqa ilə sarılaraq qaynar suyun yanına yerləşdiriliblər.
“Save the Children” Fələstinin direktoru Ceyson Li mövzu ilə bağlı verdiyi açıqlamada bildirib ki, “Qəzzada körpələr kabus, humanitar fəlakət içində doğulur. Onların ailələri əsas ehtiyaclardan məhrumdur. Hamilə qadınlar tibbi yardım olmadan dünyaya gəlir, vaxtından əvvəl doğulan körpələr inkubatorlarda ölür”.
Gununsesi.info
