İsrail ordusunun 40 gündür həyata keçirdiyi hücumlar nəticəsində ölənlərin sayı 11 min 320-yə yüksəlib və bu sayın 4 min 650-nin uşaq olduğu bildirilib.
Gecə-gündüz havadan və qurudan hücuma məruz qalan bölgədə humanitar ehtiyaclar ödənilə bilmir.
Ölənlərin sayı artır
Yanacaq, elektrik, qida və bir çox digər çatışmazlıqların yaşandığı bölgədə minlərlə insan ölür.
Bölgədən alınan son məlumata görə, ölənlərin sayı 11 min 320-yə yüksəlib.
Bu rəqəmin 4 min 650-si uşaqlara, 3 min 145-i qadınlara aiddir.
1,5 milyon insan didərgin düşüb
Digər tərəfdən, bölgədəki hücumlar çərçivəsində 29 min 200 adam yaralanıb, 1,5 milyon insan isə didərgin düşüb.
Eyni zamanda 1755-i uşaq olmaqla 3600 nəfərin itkin düşdüyü bildirilir.
Hücumlarda son vəziyyət
Oktyabrın 7-də İsrailə edilən hücumlarda 310-dan çox əsgər olmaqla 1200 israillinin öldüyü, 5132 nəfərin yaralandığı açıqlanıb. Qəzza zolağında baş verən qarşıdurmalarda 48 İsrail əsgəri də həlak olub.
İsrailin məlumatına görə, Qəssam Briqadalarının əlində 239 israilli məhbus var.
Oktyabrın 7-dən bəri İordan çayının qərb sahili və Qüdsdə İsrail qüvvələrinin və yəhudi məskunlaşanların hücumları nəticəsində 197 fələstinli həyatını itirib.
İsrail ordusu Qəzzada on minlərlə yaralı və mülki vətəndaşın sığındığı onlarla xəstəxananın şəhərciklərinə və ya əsas binalarına zərbələr endirib, onları evakuasiya etməyə məcbur edib. Hücumlarda yüzlərlə insan ölüb, yaralanıb.
İsrail ordusu ilə Hizbullah arasında oktyabrın 8-dən bəri sərhəddə baş verən qarşıdurmalarda 74 Hizbullah üzvü və 6 İsrail əsgəri həlak olub.
