Aralıq dənizi adası olan Kiprin hökuməti cümə günü bildirib ki, İsrail tərəfindən müdaxilə edilənə qədər Qəzzaya yardım aparan donanmadan bir qayıq ölkəyə çatıb.
Gununsesi.info xəbər verir ki, bu barədə hökumət sözçüsü “X” sosial şəbəkəsində məlumat verib.
Bildirilib ki, 21 əcnəbini daşıyan gəmi yanacaq doldurmaq və humanitar səbəblərlə Larnaka limanına yanaşıb.
Onların kimliyi açıqlanmasa da, sərnişinlər qeydiyyata alınıb, əsas ehtiyacları ödənilib və konsulluq yardımı təklif olunub.
Qeyd edək ki, İsrail donanmanın 40-a yaxın qayığının çoxunu ələ keçirib, İtaliya, İspaniya və digər ölkələrdən olan 450-dən çox fəalı, o cümlədən isveçli ekofəal Greta Thunberg-i saxlayıb.
Fəalların deportasiya ediləcəyi açıqlanıb.
İtaliya hökuməti isə bildirib ki, saxlanılanlar gələn həftə çarter reysləri ilə Avropa paytaxtlarına göndəriləcək. Dörd italyan parlamentari artıq azad olunub və cümə günü Romaya dönəcəklər.
Şəbnəm
