Fələstin Qızıl Aypara Cəmiyyəti Qəzzada internet və rabitə xidmətlərinin dayandırılmasından sonra komandası ilə əlaqənin kəsildiyini və onların həyatları üçün qorxunun olduğunu açıqlayıb.
Gununsesi.info bildirir ki, Qəzzada fəaliyyət göstərən Telekommunikasiya Şirkəti “Ooredoo” Qəzza zolağının cənub və mərkəzi hissəsində rabitə xidmətlərinin dayandığını, şimalda isə qismən davam etdiyini bildirdikdən sonra Fələstin Qızıl Aypara Cəmiyyəti tərəfindən yazılı açıqlama verilib.
“İsrail hakimiyyəti müharibə başlayandan bəri beşinci dəfə stasionar telefonları, mobil telefonları və internet rabitə şəbəkələrini tamamilə kəsdiyi üçün Qəzzada çalışan bütün komandalarımızla əlaqəmiz tamamilə kəsilib”, – deyə məlumat verilib.
Açıqlamada İsrailin hücumlarının Qəzza zolağının bütün bölgələrində aramsız olaraq davam etdiyi vurğulanıb və bölgədə fəaliyyət göstərən Qızıl Aypara qruplarının həyatı ilə bağlı narahatlıqların olduğu vurğulanıb.
Açıqlamada qeyd olunub ki, rabitə şəbəkələrində yaranan fasilə təcili yardım xidmətlərində və yaralılara çatmada fasilələrə səbəb olacaq.
Gununsesi.info
