Göyərtəsində dərman və tibbi ləvazimatlar olan “C-130 Hercules” hərbi-nəqliyyat təyyarəsi Türkiyənin Kayseri hava limanından Misirin Əl Ariş hava limanına qalxıb.
Gununsesi.info xəbər verir ki, Qəzza sakinlərinə 8 tona yaxın humanitar yardım çatdıran Türkiyə Milli Müdafiə Nazirliyinin təyyarəsi Misirə doğru havaya qalxıb. Təyyarənin göyərtəsində tibb mütəxəssisləri və tibb bacıları da daxil olmaqla 9 tibb işçisi var.
Misir Səhiyyə Nazirliyi ilə razılaşdırılmış planlar çərçivəsində yaralıların müalicəsinə həkim briqadası cəlb olunacaq.
Türkiyə indiyədək Qəzza zolağına 11 təyyarə, bir gəmi humanitar yardım və həcmi təxminən 700 ton olan dərman preparatları göndərib. Bundan əlavə, Misirin Əl-Ariş hava limanına 8 səhra xəstəxanası və 20 təcili yardım maşını çatdırılıb.
Gununsesi.info
