Qadını öldürməyə cəhd edən tutuldu

Qadını öldürməyə cəhd edən tutuldu

Qazaxda qadına ağır xəsarət yetirən şəxs saxlanılıb.

Gununsesi.info-ya Daxili İşlər Nazirliyinin Mətbuat xidmətindən verilən məlumata görə, hadisə rayonunun Yuxarı Salahlı kəndində törədilib. Kənd sakini Mehriban Nəsibovanın baş və bədən nahiylərindən çoxsaylı qırma xəsarətləri ilə xəstəxanaya gətirilməsi barədə daxil olan məlumatla əlaqədar dərhal rayonun polis və prokurorluq orqanlarının əməkdaşları tərəfindən müvafiq tədbirlər görülüb.

Faktla əlaqədar Cinayət Məcəlləsinin 29,120-ci (qəsdən adam öldürməyə cəhd) maddəsi ilə cinayət işi başlanılıb.

Həyata keçirilən istintaq və əməliyyat-axtarış tədbirləri nəticəsində hadisəni törətməkdə şübhəli bilinən kənd sakini Sevdimalı Abdullayev saxlanılıb. Onun evindən müvafiq sənədləri olmayan “İJ-16” markalı ov tüfəngi aşkar edilərək götürülüb.

Hazırda cinayət işi üzrə zəruri  istintaq-əməliyyat tədbirləri davam etdirilir.

Gununsesi.info

COMMENTS