Xəbər verdiyimiz kimi, 2 gün əvvəl Bakıda qadının zorla avtomobilə mindirilməsini əks etdirən görüntülər yayılmışdı.
Gununsesi.info xəbər verir ki, hadisə ilə bağlı sosial şəbəkələrdə yeni məlumatlar paylaşılıb. İddia olunub ki, qadın atasından daimi şiddət gördüyü üçün evlənib. Lakin evləndikdən sonra da qayınanası və ərindən də mütəmadi şiddət görüb. Elə buna görə də ayrılmaq qərarına gəlib, boşanmaq üçün məhkəməyə müraciət edib. Bu qərarından sonra uşağı əlindən alınıb.
Hadisə ilə bağlı video yayılandan sonra sosial şəbəkələrdə qadının şiddətə məruz qaldığını sübut edən fotolar paylaşılmağa başlayıb.
İddialarla əlqədar Daxili İşlər Nazirliyinə müraciət etdik. Qurumun Mətbuat xidmətinin əməkdaşı Nurlan Əliyev “Qafqazinfo”ya bildirib ki, faktla bağlı müvafiq polis şöbəsində araşdırma aparılıb. Xanımın təhlükəsizliyi təmin edilib və ekspertiza təyin olunub. Araşdırmanın nəticəsindən asılı olaraq əmələ hüquqi qiymət veriləcək.
Amin Nəzərli
Gununsesi.info
