Qadınlardan ibarət həndbol komandalarımızın rəqibləri məlum oldu

  • By admin
  • 18 İyul 2017 19:21

handbollll

Azərbaycanın qadınlardan ibarət həndbol komandalarının Avropanın nüfuzlu klub turnirlərindəki rəqibləri məlum olub.

Azərbaycan Həndbol Federasiyasından Gununsesi.info-ya bildiriblər ki, Mingəçevirin “Nur” komandası Avropa Həndbol Federasiyası (EHF) kuboku yarışında İsveçin “Luqi HK”, Bakının “Azəryol” klubu isə “Çağırış Kuboku” (“Challenge Cup”) turnirində Lüksemburq təmsilçisi “HB Dudelanj”la qarşılaşacaq.

Ölkə çempionu “Nur” yarışlara birinci təsnifat mərhələsindən qoşulacaq. İlk mərhələnin qarşılaşmaları sentyabrın 9-10-da, cavab oyunları bir həftə sonra keçiriləcək.

Ölkə çempionatının gümüş medalçısı “Azəryol” isə turnirdə mübarizəyə üçüncü təsnifat mərhələsindən başlayacaq. Üçüncü mərhələnin görüşləri noyabrın 11-12-də və 18-19-da oynanılacaq.

Gununsesi.info