Qanunsuz dini təbliğat aparan 159 nəfər saxlanılıb- AZƏRBAYCANDA

Qanunsuz dini təbliğat aparan 159 nəfər saxlanılıb

2017-ci ildə Azərbaycanda “Dini etiqad azadlığı haqqında” qanuna zidd təbliğat apardığı üçün 159 nəfər şəhər və rayon poliş şöbələrinə gətirilib. 

Gununsesi.info xəbər verir ki, bu barədə Daxili İşlər Nazirliyinin əməkdaşı Oqtay Tağıyev deyib.

Onun sözlərinə görə, həmin şəxslərdən 2 nəfər cinayət məsuliyyətinə, 139 nəfəri isə inzibati məsuliyyətə cəlb edilib:

“Həmin şəxslərdən 3 ədəd tüfəng, 12 ədəd patron, 168 ədəd dini ədəbiyyat, 144 ədəd CD,ə DVD və audiokaset, 115 ədəd broşür və digər vəsait götürülüb. İnzibati məsuliyyətə cəlb olunan şəxslərdən 2 nəfər həbs olunub, 50 nəfər 82 500 manat məbləğində cərimə edilib, 73 nəfərə xəbərdarlıq olunub. 4 nəfər azyaşlı barədə isə müvafiq tədbir görülməsi üçün toplanmış materiallar yerli icra hakimiyyətləri yanında komissiyalara göndərilib”.

Gununsesi.info

COMMENTS