20:40
UEFA Çempionlar Liqasının qrup mərhələsinin beşinci turunda Bakı Olimpiya Stadionunda keçiriləcək “Qarabağ”-“Çelsi” oyunu üçün komandaların start heyətləri açıqlanıb.
Gununsesi.info xəbər verir ki, “Qarabağ”ın start heyətində İbrahim Şehiç, Qara Qarayev, Dmitri Medvedev, Miçel, Dino Ndlovu, Mahir Mədətov, Rəşad Sadıqov, Riçard Almeyda, Ansi Aqolli, Yakub Rzezniçak, Donald Gerye yer alıblar.
London təmsilçisinin ilk on birliyində isə meydana Tibo Kurtua, Anton Rüdiger, Markos Alonso, Sesk Fabreqas, Nqolo Kante, Eden Azar, Pedro Rodrigez, Davide Zappakosta, Villian, Sezar Azpiliketa və David Luiz çıxacaqlar.
Qeyd edək ki, oyun Bakı vaxtı ilə saat 21:00-da start götürəcək.
“Qarabağ” əvvəlki oyunlarda səfərdə “Çelsi”yə 0:6, doğma meydanda isə “Roma”ya 1:2 hesabı ilə məğlub olub. Ağdam təmsilçisinin “Atletiko Madrid” ilə hər iki görüşü heç-heçə başa çatıb – (0:0, 1:1).
Hesabında 8 xal olan “Roma” qrupda birinci pillədə qərarlaşıb. “Çelsi” 7 xalla ikinci, “Atletiko Madrid” 3 xalla üçüncü, hesabında 2 xalı olan “Qarabağ” isə sonuncudur.
21:25
“Qarabağ”ın müdafiəçisi Rəşad Sadıqov “Çelsi”nin yarımmüdafiəçisi Villiamla mübarizədə hakim haqsızlığına məruz qaldı. Belə ki, oyun epizodu zamanı portuqaliyalı hakim “Qarabağ”ın qapısına penalti təyin etdi. Bununla yanaşı, təmsilçimizin kapitanına qırmızı vərəqə göstərildi. Zərbəni dəqiq yerinə yetirən Azar hesabı açdı: 1-0.
21:38
“Çelsi” matçın 37-ci dəqiqəsində Viliamın qolu ilə fərqi artırdı: 2-0.
22:33
Fabreqas matçın 71-ci dəqiqəsində fərqi 3-ə çatdırdı: 3-0.
22:42
Viliam matçın 85-ci dəqiqəsində özünün 2-ci, komandasının 4-cü qoluna imza atdı: 4-0.
22:55
“Qarabağ” ÇL-nin bu mövsümündə qrup mərhələsində sonuncu ev oyununda hakimin kobu səhvi nəticəsində ilk dəqiqələrdə azlıqda qaldı. Bundan maksimum yararlanan İngiltərə təmsilçisi görüşün nəticəsində 4-0 hesablı qələbə əldə etdi.
Gununsesi.info
