ATƏT xarici işlər nazirlərinin Potsdamda keçiriləcək görüşündə gündəlikdə duran bütün aktual məsələlər müzakirə olunacaq.
Gununsesi.info-nun APA-ya istinadən məlumatına görə, bu barədə Almaniya XİN-in yaydığı xəbərdə deyilir.
Xəbərə görə, bunu nazir, ATƏT-in fəaliyyətdə olan sədri Frank Valter Ştaynmayer deyib. O bildirib ki, hazırda münaqişələrlə dolu dünyada, o cümlədən Ukrayna, Dnestryanı, Dağlıq Qarabağ və Avropadakı digər münaqişələrin həll olunmasında ATƏT-in rolu həmişəkindən daha vacibdir. O, qeyd edib ki, Potsdam görüşündə bütün vacib məsələlər, o cümlədən terror və qaçqın məsələlərinin müzakirəsi planlaşdırılır.
Xatırladaq ki, sabah Almaniyanın Potsdam şəhərində bu ölkənin xarici işlər naziri Frank Volter Ştaynmayerin təşkilatçılığı ilə ATƏT-ə üzv ölkələrin xarici işlər nazirlərinin qeyri-rəsmi görüşü keçiriləcək.
Gununsesi.info
