UEFA Çempionlar Liqasının ikinci təsnifat mərhələsində Azərbaycanı təmsil edən “Qarabağ” növbəti mərhələyə yüksəlib.
Gununsesi.info Azərbaycan Futbol Federasiyaları Assosiasiyasının saytına istinadən xəbər verir ki, iyulun 11-də Tofiq Bəhramov adına Respublika stadionunda keçirilən ilk oyunda rəqibini 5:0 hesabı ilə məğlub edən təmsilçimiz cavab qarşılaşmasında da Gürcüstanın “Samtredia” klubuna Geryenin 22-ci dəqiqədə vurduğu yeganə qolla qalib gəlib.
Qeyd edək ki, “Qarabağ” üçüncü təsnifat mərhələsində “Şerif” (Moldova) -“Kukesi” (Albaniya) cütünün qalibi ilə üz-üzə gələcək. Bu komandalar arasında keçirilən ilk oyun Moldova təmsilisinin 1:0 qələbəsi ilə başa çatıb.
Anar
Gununsesi.info
