Qarabağ qazisi həkimi niyə döyüb? - "Dedi ki, vicdandan bixəbərsiz" - VİDEO

  • By admin
  • 11 İyun 2021 10:42

Qadın həkimə şiddət göstərdiyi üçün sosial şəbəkələrdə müzakirə mövzusu olan Qarabağ qazisi Şəmayıl Mustafayevlə bağlı Kanal13 çəkiliş edib.

Sosial şəbəkə üzərindən canlı bağlantı quran kanal məsələ ilə bağlı Bərdənin Nəcəfqulubəyli kəndinə yollanıb.

Çəkiliş zamanı Qarabağ qazisini tanıyan döyüş yoldaşları, qohumları və kənd camaatı baş verənlərlə bağlı bildiklərini söyləyiblər. Qeyd ediblər ki, Qarabağ qazisi Şəmayıl Mustafayev sentyabrda başlayan İkinci Qarabağ döyüşlərində oğlunu döyüşə yollayıb və hazırda Laçında düşmənlə sərhəddə xidmət edir.

Döyüş yoldaşları Qarabağ qazisinin kəndə gələndən sonra komissiya zamanı baş verənlərlə bağlı söylədiklərini də qeyd ediblər:

İlyasov Nizami Hümbət oğlu: “Mən onun özüylə danışdım. Dedi ki, oturdum və həkimlər sənədimə baxdı. Xanım mənə dedi ki, sizin sənəd saxtadır, siz əlil deyilsiniz. O da deyib ki, həkim heç olmasa məni vicdanla yoxlayıb qərar verin. Həkim də ona deyib ki, mənim vicdanım var, siz vicdandan bixəbər insanlarsız. Deyir ondan sonra özümü itirdim, çünki söz mənə pis təsir elədi”.

Qarabağ qazisi, II qrup əlil Musayev Fikrət Musa oğlunun səsləndirdiyi fikirlər: “Şəmayıl deyib ki, burda, rahat stolda oturmusunuz, bu işə haqla yanaşın. Cavabında deyiblər ki, orda vuruşan oğlanlar haqlıydılar? Və həmin yeri kamera görüntülərindən kəsiblər”.

Gununsesi.info