Azərbaycan ərazi bütövlüyü uğrunda apardığı mübarizədə tarixi ədalət qalib gəldi və bütün dünya bunun şahidi oldu.
Gununsesi.info xəbər verir ki, bunu Qazaxıstan Avrasiya İnteqrasiya İnstitutunun politoloqu Samat Nurtaza Azərtac-a açıqlamasında deyib.
“Azərbaycanın işğaldan azad olmuş ərazilərinə səfəri zamanı gördükləri ilə bağlı təəssüratlarını bölüşən politoloq bildirib: “Qarabağa – Füzuli, Ağdam və Kəlbəcər rayonlarına səfər zamanı gördüklərim məni təsirləndirdi. Gəncədə raket hücumu nəticəsində dağılmış evlərin, yerə səpələnmiş uşaq oyuncaqlarının görüntüsü kədərləndirici idi.
İkinci Qarabağ müharibəsində biz hər bir azərbaycanlıda vətənpərvərlik ruhunun nə qədər yüksək olduğunu, Qələbə naminə canlarından keçməyə hazır olduqlarını gördük.
Azərbaycan Prezidenti İlham Əliyev atası Heydər Əliyevin vəsiyyətinin yerinə yetirməsinə çox sevindik və əminik ki, Azərbaycanın bundan sonra daha da inkişaf etməsinin şahidi olacağıq”.
