Turan İnformasiya Agentliyinə daxil olmuş məlumata görə,Türkiyənin “Qalatasaray` komandası bu il Çempionlar Liqası ilk mərhələsinin oyunlarına diqqəti cəlb etmiş “Qarabağ” komandasının sol kənar müdafiəçisi Toral Bayramovla maraqlanmağa başlayıb.
Bununla bağlı Turan İnformasiya Agentliyinə “Qalatasaray” klubundakı mənbədən daxil olmuş məlumatda Bayramovun “Qalatasaray”a transfer edilməsinə dair məsələni klubun gündəminə Galatasaray Sportif A.Ş. üzvü Ural Aküzüm gətirdiyi deyilib. Babaları Gəncədən Karsa köçmüş Ural Aküzümün “Qarabağ” klubu və Azərsun holdinqin prezidenti Abdülbari Gozal və komandanın məşqçisi Qurban Qurbanov ilə yaxın münasibəti olduğuna görə,”Qalatasaray” klubunun “Qarabağ” klubundan oyunçu transfer etməsinin çətinlik törətməyəcəyi də Turan İnformasiya Agentliyinə verilən məlumatların arasında yer alıb.UEFA qaydalarına görə,yeni mövsüm üçün oyunçu alış-satışı avqustun 31-də başa çatacaq.
Gununsesi.info
