Türkiyənin Qars əyalətinin Sarıqamış rayonunda Rus çarı II Nikolay tərəfindən tarixi “Katerina köşkü” yenidən təmir olunaraq turistlərin ixtiyarına veriləcək.
Gununsesi.info xəbər verir ki, “Katerina köşkü”nün butik otel olaraq fəaliyyət göstərməsi planlaşdırılır.
“Katerina köşkü” 1896-cı ildə Rusiya- Osmanlı müharibəsi zamanı Osmanlının şərqi Anadolunu işağalından sonra tikilib. Qeyd edək ki, həmin müharibədən sonra bu torpaqlar 40 il rusların işğalı altında qalıb. İndi dağılmış vəziyyətdə olan “Katerina köşkü” restovrasiya edildikdən sonra ov evi kimi fəaliyyət göstərəcək.
“Katerina köşkü” Baltik memarlıq üslubu əsasında tikilib. Belə ki, binanın bir hissəsi şam ağaclarından, digər bir hissəsi isə daşdan hörülüb. Bina yararsız hala düşsə də, öz memarlıq üslübunu qoruyub saxlaya bilib.
Qars valisi Rəhmi Doğan “Anadolu” agentliyinə açıqlamasında deyib ki, “Katerina köşkü” son illərdə turistlərin maraq dairəsinə səbəb olduğundan, daha çox turistin buraya cəlb ediməsi məqsədi ilə bina yenidən təmir olunacaq.
Tarixi binanın butik bir otel kimi restovrasiya edilməsi planlaşdırılır.
Gununsesi.info
